Ωδή εβδόμη.
Δοξαστικόν˙ ψάλλεται εις όλους τους ήχους.
Χαίρε Άχραντε, αγνή δεδοξασμένη,
Χαίρε Άσπιλε, σεμνή ηγιασμένη.
Χαίρε Άφθορε κόρη πανακήρατε,
Χαίρε Αειπάρθενε νύμφη ανύμφευτε.
Χαίρε Βρεφοτρόφε Παρθένε άγαμε,
Χαίρε βάτε Μωσέως ακατάφλεκτε.
Χαίρε Γη ανήροτος στάχυν φέρουσα.
Χαίρε γέφυρα εις πόλον μετάγουσα.
Χαίρε Δέσποινα του κόσμου παντός άνασσα,
Χαίρε Δαυϊδ θυγάτηρ ζωήν φέρουσα.
Χαίρε ευδοκίας Θεού το προοίμιον,
Χαίρε Εκκλησίας Θεού το εφύμνιον.
Χαίρε ζωής τον βότρυν η βλαστήσασα,
Χαίρε ζωής τον άρτον η κυήσασα.
Χαίρε Ηλίου νοητού ανατολή,
Χαίρε ημέρας μυστικής επιτολή.
Χαίρε Θεού Λόγου Μήτηρ αλόχευτε,
Χαίρε θησαυρέ ζωής αδαπάνητε.
Χαίρε ιατρείον έμψυχον θεόλεκτε,
Χαίρε ισχύς καμνόντων θεονύμφευτε.
Χαίρε κλίμαξ του Λόγου υπερύμνητε,
Χαίρε κιβωτέ Θεού αεισέβαστε.
Χαίρε λαβίς η συλλαβούσα τον Χριστόν,
Χαίρε λαμπάς η δαδουχούσα των πιστών.
Χαίρε Μαρία Κόρη θεονύμφευτε,
Χαίρε Μήτηρ παρθένε παναμώμητε
Χαίρε ναέ του θείου ακατάλυτε,
Χαίρε νοσούντων ιατρέ ετοιμότατε.
Χαίρε ξένον άκουσμα παρθενομήτορ,
Χαίρε ξένον θέαμα θεοκυήτορ.
Χαίρε οίκημα του επί των Χερουβίμ,
Χαίρε Όχημα του επί των Σεραφίμ,
Χαίρε Πύργε άσειστε της Εκκλησίας,
Χαίρε Πύλη μυστική της σωτηρίας.
Χαίρε ράβδος Ααρών η βλαστήσασα,
Χαίρε ρόδον πιστούς ευωδιάσασα.
Χαίρε στερρόν της πίστεως το έρεισμα,
Χαίρε σεμνόν της χάριτος το γνώρισμα.
Χαίρε του μάννα η διάδοχος,
Χαίρε τρυφής αγίας η διάκονος.
Χαίρε υδρία ύδωρ η ζων η φέρουσα,
Χαίρε υμνωδία ευσεβείς ευφραίνουσα.
Χαίρε ηώς φωτός αΰλου φώσκουσα,
Χαίρε χρυσή λυχνία η αείφωτος,
Χαίρε χορηγέ θείας αγαθότητος.
Χαίρε ψυχών αγίων ύμνος άπαυστος,
Χαίρε ψαλμών απάντων ύμνος άρρητος.
Χαίρε ωδή γενεών η αένναος,
Χαίρε ωδή ευσεβών η αΐδιος.
Ωδή ογδόη.
Δοξαστικόν ψάλλεται εις ήχον Α’. Κατά το «την παγκόσμιον δόξαν».
Χαίρε Παντευλόγητε, Υπερύμνητε,
Χαίρε Παμμακάριστε, Υπερένδοξε.
Χαίρε Πανακήρατε παρθενομήτορ,
Χαίρε Παναμώμητε Θεοκυήτορ.
Χαίρε Αειπάρθενε μήτερ άφθορε,
Χαίρε Θεονύμφευτε μήτερ άλοχε.
Χαίρε Θεόν αφράστως η κυήσασα,
Χαίρε Θεόν αρρήτως η γεννήσασα.
Χαίρε τον θείον στάχυν η βλαστήσασα,
Χαίρε ζωής τον άρτον η χωρήσασα.
Χαίρε τροφή του μάννα η διάδοχος,
Χαίρε τρυφής αγίας η διάκονος.
Χαίρε διψώντας Πέτρα η ποτίζουσα,
Χαίρε Τράπεζα άρτον ζωής φέρουσα.
Χαίρε Σκήπτρον ένδοξον Ορθοδοξίας,
Χαίρε άσειστε Πύργε της Εκκλησίας.
Χαίρε Δέσποινα Κόσμου ανθρώπων κλέος,
Χαίρε έμψυχον Σκήνος Παμβασιλέως.
Χαίρε Ναέ του θείου ακατάλυτε,
Χαίρε μήτερ του λόγου απειρόγαμε,
Χαίρε Θεόπαις, νύμφη, κόρη πάναγνε.
Χαίρε Παρθένων έρεισμα και καύχημα,
Χαίρε Μητέρων δόξα και αγλάϊσμα.
Χαίρε Θεοτόκε Θεόν γεννήσασα,
Χαίρε Θεομήτορ Χριστόν θηλάσασα.
Χαίρε Πάνσεμνε τον λόγον βλαστήσασα,
Χαίρε υπέρ νουν Χριστόν η κυήσασα.
Χαίρε κιβωτέ χρυσωθείσα πνεύματι,
Χαίρε νεφέλη αγία ολόφωτε.
Χαίρε αγνείας παρθένων θησαύρισμα,
Χαίρε Οσίων, παρθένων ωράϊσμα.
Χαίρε το στέφος της καλής εγκρατείας,
Χαίρε το άνθος της αγνής αφθαρσίας.
Χαίρε η στήλη της σεμνής παρθενίας,
Χαίρε η πύλη της πιστών σωτηρίας.
Χαίρε αρχηγέ νοητής αναπλάσεως,
Χαίρε χορηγέ θεϊκής αγαθότητος.
Χαίρε άφλεκτε βάτε, θείον σκήνωμα,
Χαίρε Δέσποινα κόσμου θείον όχημα.
Χαίρε ράβδος Ααρών η βλαστήσασα,
Χαίρε Στάμνος το θείον μάννα φέρουσα.
Χαίρε Παρθένε, όρος αλατόμητον,
Χαίρε του Λόγου κλίμαξ, ύψος άρρητον.
Χαίρ’ αθλοφόρων θάρρος το ανίκητον,
Χαίρ’ Αποστόλων στόμα το ασίγητον.
Χαίρε ψυχών ευσεβών η σωτηρία,
Χαίρε ψυχών ασθενών η θεραπεία.
Χαίρε προς Θεόν άπαυστος μεσιτεία,
Χαίρε νύμφη ανύμφευτε Παναγία.
***
ΘΕΟΤΟΚΑΡΙΟΝ
Υπό
ΑΓΙΟΥ ΝΕΚΤΑΡΙΟΥ
Διευθυντού της Εκκλησιαστικής Ριζαρείου Σχολής
ΜΗΤΡΟΠΟΛΙΤΟΥ ΠΕΝΤΑΠΟΛΕΩΣ
ΉΤΟΙ
ΩΔΑΙ ΚΑΙ ΥΜΝΟΙ ΠΡΟΣ ΤΗΝ ΥΠΕΡΑΓΙΑΝ ΘΕΟΤΟΚΟΝ
ΚΑΙ ΑΕΙΠΑΡΘΕΝΟΝ ΜΑΡΙΑΝ
Η/Υ επιμέλεια, Σοφίας Μερκούρη.
Παράβαλε και:
09 Νοεμβρίου, μνήμη του Οσίου Πατρός ημών νεκταρίου επισκ. Πενταπόλεως – ο Αγ. Νεκτάριος ως δάσκαλος των νέων, Υμνολογική εκλογή.
09 Νοεμβρίου, μνήμη του Οσίου Πατρός ημών νεκταρίου επισκ. Πενταπόλεως – διδαχές, Παρακλητικός Κανών.
